- توضیحات
- لیکونکی: سمیر؛ ژباړونکی: احمد فولاد
- کټګوري : مقالی
د امریکا او ناټو په وسیله د افغانستان د نیولو وروسته د نړۍ ۴۰ هیوادونو د خپلو ګټو او بهرني نفوذ د پراختیا په موخه د امریکا سره ملګري شول او په دې ترتیب یې افغانستان د جنګ په ډګر کې د پاتې شونې په حیث په خپلو کې وویشو. آلمانیانو شمال خوښ کړ، انګلیسانو په هلمند کې د کوکنارو کرکیله خړوب کړه، ایټالویانو هرات ولکه کړ او په پایله کې د ارزګان برخلیک آسټرالیا لاس ته ولوید. د دوی په منځ کې برلاسه امریکایان وو، چې تل او په هر ګوټ کې حضور لري، ختیځ، لویدیځ، شمال او سهیل نه پیژني او خونړیو لاسونو یې تر دا دمه زموږ د لسګونو هیواد والو ژوند اخیستی دی.
هر یو نیواکګر هیواد خپل تر ولکې لاندې سیمو کې خلک د ویر په ټغر کښینول. هغوی د خلکو د غولولو په موخه وړې او مخبینايي پروژې پکار واچولې، لیکن په پټه یې تر ټولو په بیرحمه کسانو پانګه اچونه وکړه تر څو خپلو کورونو ته بیرته ستنیدو وروسته هم زموږ د کړیدلي ولس په سرنوشت لوبې وکړي. د ټوپکوالو څخه د ملاتړ په ترڅ کې د هر یو عطا، قومندان رزاق، اسدالله خالد، د حاجی قدیر کورنۍ او داسی نورو وینه څښونکو مهرو تر څنګ آسټرالیا هم له نورو څخه وروسته پاتې نشوه او د مطیع الله خان په نوم کس یې د خلکو په اوږو سور کړو. کیدای شي ځینې خلک هغه یوازې د ارزګان د امنیه قومندان په توګه وپیژني چې د ۲۰۱۵ ز کال د مارچ په ۱۹ مه په کابل کې ووژل شو. لیکن د هغه واک یوازې د هغه دغې څوکۍ پورې محدود نه و. هغه په ارزګان کې همه کاره او د خلکو په وینا د ارزګان امپراتور و. لیکن هغه څنګه او د چا په ملاتړ د غه مافیایي کړۍ رامنځ ته کړه؟ رښتیا هم مطیع الله څوک و؟
- توضیحات
- لیکونکی: لیکونکی: احمر؛ ژباړونکی: احمد فولاد
- کټګوري : مقالی
په افغانستان کې تیرو څلور لسیزو جګړو نه یواځې ددې خاورې ولسونه د غم او ویر په ټغر کښېنول بلکې په حیواناتو یې هم ترحم ونکړ. د جګړو په جریان کې ژوې او ځنګلونه له منځه ولاړ او د تنظیمې لوټمارو قوماندانانو په وسیله پاکستان ته قاچاق شول. که څه هم ددې بدمرغیو ذکر په هره څانګه کې کتاب لیکنې ته اړتیا لرې، لیکن یوازې د «مرجان» وژونکي ژوند داستان هیواد د ټولو معصومو حیواناتو حال را برسیره کولاې شي.
- توضیحات
- لیکونکی: نوید نابدل
- کټګوري : مقالی
د امریکا ۱۹۴۲ کال د «بهرنیو ښاریانو له لوری ماتنۍ غوښتنې» مصوبې پر بنسټ، هغه امریکایی قوتونه چی له پولو بهر میشته دی د هغو وژنو او ویجاړیو په بدل کی ماتنۍ (غرامت) ورکولو ته اړ دی چی په مخامخ جګړه کی نه وی رامنځ ته شوي. امریکایی پوځیانو په ډیرو لږو پیښو کی د «زغمزیاتي پیسو» په نامه ماتنۍ ورکړی ده. د یادونې وړ ده چی هغوی د هغو ملکی وکړو وژنه چی د بمباریو او جګړی علمیاتو په پایله کی رامنځ ته شوی پړه په غاړه نه اخلی او په دی اړه له پوره خوندیتوب برخمن دي. له همدی کبله په لسګونو هغو ټولوژنو کی چی په کلیو او باڼدو د بمبونو غورځولو له امله رامنځ ته شوي یواځې په «ساری» ویلو بسنه کړی ده.
- توضیحات
- لیکونکی: کاوه عزم
- کټګوري : مقالی
له دیارلس کلونو راپدیخوا چی افغانستان د امریکا له لوری نیول شوی، زمونږ هیواد د پنتاګون د رنګارنګ وسلو په لابراتوار بدل شوی دی. امریکا چی په نړۍ کی د وسلو تر ټولو لوی صادرونکی هیواد ګڼل کیږي، خپلې ټولې نوې وسلې په افغانستان پرته له کوم ډار څخه آزمایښت کوی چی په دغه جنایت سره د زرګونو ماشومانو او ښځو او سړو ژوند اخلي او زمونږ چاپیریال په بیساری توګه ککړوی.
- توضیحات
- لیکونکی: کاوه عزم
- کټګوري : مقالی
د ۲۰۱۵ کال د مارچ په ۱ نیټه د واشنګټن پوسټ ورڅپاڼې د عربستان د تروریسم پالنې او پر سرې قالینې د هغوی بدرګه کولو څخه پرده اوچته کړه. سعودي عربستان له کلونو راهیسې د تروریسم څخه د ملاتړ په نامه د ملي او دموکراتو عناصرو او سازمانونو تر نیوکې لاندې راغلی دی. د «آل – هیر» په زندان کې له تروریستانو څخه د دې هیواد کوربتوب هغه حقیقت دی چې اوس د نړۍ په رسنیو کې یې انعکاس موندلی دی.
د «آل هیر» زندان د عربستان د ۵ مهمو حساسو زندانونو له ډلې څخه دی چې هلته یوازې د «القاعدې» او «داعش» تروریستان ساتل کیږي. دغه زندان د ریاض په څو کیلومټرۍ کې موقیعت لري چې د شاندارو هوټلو سره ورته والی لري. د اوسپنیزو دروازو او ټوپک لرونکو ساتونکو سربیره یو آرام او شین چاپیریال لري. د القاعدې او داعش له تروریستانو څخه د ډیرو نژدې او عزیزو میلمنو په څیر ساتنه کیږي. د ګڼو خونو ترڅنګ، غټو او خطرناکو تروریستانو لپاره ۳۸ شخصي خونې په نظر کې نیول شوې چې هر یو د خوب شاهانه تخت، د تازه میوې څخه ډک یخچال، دیوالي لوی تلویزیون او د ښکلي حمام درلودونکي دي.
- توضیحات
- لیکونکی: سیدرحیم شریفی
- کټګوري : مقالی
د پنتاګون (د امریکا دفاع وزارت) ۲۰۱۲ کال یو لاسوند چی د ۲۰۱۵ کال د می په میاشت که خپور شو دا په ډاګه کوی چی د امریکا دولت «داعش» سره د مبارزې پر ځای، دغې ترهګرې ډلې ته په مرسته رسولو، د ویجاړۍ او وژنی دغه لښکر منځ ته راوړ ترڅو د بشار اسد دولت پر وړاندې د استراتژیکې وسلې په توګه ترینه ګټه پورته کړې او ددی ترڅنګ عراق ته د امریکایی پوځیانو بیا راتګ زمینه برابره کړي.
- توضیحات
- لیکونکی: لیکونکی: نوید نابدل| ژباړونکی: اشرف
- کټګوري : مقالی
د ۲۰ قرن وروستۍ لسیزې په پای کې ډیرې ګونګوسې را ولاړې شوې، چې ښایي د ۲۰۰۰ کال د جنوري میاشتې په لومړۍ نیټه کې پرته د فني ستونزو وړاندوینې ټولې کمپیوټري شبکې له ستونزو سره مخ کیږي او د پام وړ زیانونه به ولري: د اوبو او برښنا سیستمونو ویش، د اورګاډي پټلۍ، د تیارو هوایي کرښې، د لوړپوړو ودانیو لفټ، د پوسته خونو سیستم او داسې نور به له خپل عادي حالت څخه ووځي او دا امکان شته چې خلک سختو ستونزو سره لاس او ګریوان شي او آن تردې چې د یو شمیر خلکو د مړینې لامل وګرځي. دغه ستونزه چې د Y٢K په نوم پیژندل شوی و، تر دې بریده تبلیغ شو چې پرمختللو هیوادونو کې خلکو د خوراکي توکو زیرمه کول پیل کړل او په ټولو ځاینو کې ډار او ویره خپره شوې وه.
د کمپیوټري وسایلو تولید کوونکو غټو شرکتونو دغو بې بنسټو خبرو ته د نورو پرتله ډیره لمن وهله او تبلیغ یې کاوه چې د کمپیوټري نویو محصولاتو پیرلو سره چې هیڅ فني ستونزې نه لري، د ۲۰۰۰ کال پروړاندې ځانونه چمتو کړئ او پدې توګه پانګه والو بې ترڅه پانګه ترلاسه کوله. د ۲۰۰۰ کال د جنوري میاشتې په لومړئ نیټه د نا وړاندوینې پیښو د رامنځته کیدو له امله خلکو غوره وګڼله چې له خپلو کورونو دباندې ونه ووځي، لیکن له دغو علایمو څخه چې دمخه تبلیغ کیدل، ونه لیدل شول او دغه ورځ په خیر او خیریت سره تیره شوه او هیڅ ډول پیښه رامنځته نه شوه.
- توضیحات
- لیکونکی: احمد فولاد
- کټګوري : مقالی
ښوونه او روزنه د هری ټولنې بنسټیزه اړتیا او د پرمختک ړومنې عنصر کڼل کیږي نو په کار ده، چې د نورو هیوادونو په شان په افغانستان کي هم دی ته د لومړیتوب او پاملرنی ځانګړی حق ورکړی شي. ښوونیز نصاب تل باید د سیاسي موخو او مبارزو څخه لری سوچه او آرام وساتل شې.
د پام وړ خبر خو دادی کله چې ما وغوښتل د خپل ماشوم زوی چې د شپږم ټولګې زده کوونکې دی درسی ارزونه وکړم نو د فاروق وردګ د پوهنې وزارت د شپږم ټولګې دغی «دروس علوم اجتماعی» کتاب زما پام ځانته واړو او زه یی د روسانو د لاسپوڅو د «سیاست» کتاب په یاد کې ډوب کړم.
- توضیحات
- لیکونکی: عبدالولي بریالی
- کټګوري : مقالی
د هالنډ د شاهي دولت لویې څارنوالي د ۲۰۱۳ کال د سپتمبر په ۱۹مه یو ۵۰۰۰ کسیز لیست چې د خلق او پرچم چوپړه رژیم لخوا وژل شوي وو، خپور کړ. نوموړي وګړي د ۱۳۵۷ لمریز د غوايي د میاشتې له کودتا وروسته د نورمحمد تره کي او حفیظ الله امین د حکومتونو په بهیر کې د دولت سره د مخالفت په تور زنداني او وژل شوي وو. یاد لیست ته په کتو او د هغه انسان وژونکي او افغان دښمنه حکومت د کړنلارې په پام کې نیولو سره، د پيښې منظرې د شاهد او لیدونکي په توګه د ذکر شوي لیست پر رښتینوالي په بشپړ ډول باوري یم، چې یادې وژنې ترسره شوي دي. تیر کال مې د اپریل په ۲۵ د خلق او پرچم حکومت لومړي لاس مجرمینو یو نوملړ د دعوت په ویب پاڼه کې خپور کړ، چې دلته یې یو وار بیا د دې لیکنې په وروستۍ برخه کې مظلومو او بې وزلو هیوادوالو ته وړاندې کووم.
- توضیحات
- لیکونکی: احمد فولاد
- کټګوري : مقالی
د امریکا د چای غورځنګ (Tea Party Movement)، د ۲۰۰۹ کال په پیل کې هغه مهال د جمهوریت ګوند پلویانو، محافظه کارو او لیبرالیستانو د نارضایته غړو لخوا رامنځته شو، کله چې ځواک د ډیموکرات ګوند پلوه بارک اوباما ترلاسه کړو، په دې کې راټول شوي ډیری سپین پوستکې لوی پانګوال او د جنګ د ماشین څرخونکې داړه ماران دي. په حقیقت کې دا یو ټولنیز او ولسیز خوځښت نه دی، بلکې د شخصي ګټو او ځواک د تامین لپاره یوه غولونکې دسیسه ده.
د چای غورځنګ یو ارتجاعي او فاشیستي غورځنګ دی، چې د اوسني اقتصادي کړکیچ په بهیر کې رامنځته شوی دی او کیدای شي، چې په ټولنه کې ارتجاعي ځواک ته وده ورکړي. د دې جنبش خطر په دې کې دی، چې د خلکو رښتینو اندیښنو څخه غلطه ګټه پورته کوي او هغوی توکمیز، نژادي، او بهرنیو ضد احساساتو باندې سمبالوي. کله چې خلک بې روزګاره شي او خپل کورونه او ژوند دلاسه ورکړي، نو ډیر زر په دې څیر شعارونو غولیږي او باور ورباندې کوي.
مقالی
هنر او ادبیات
د تاریخ له پاڼو څخه
مونږ 624 میلمانه آنلاین لرو