په تعلیمي بنسټونو کې د بنسټپالۍ او ځناورتوب تبلیغانو نفوذ ناورین ده!
- کټګوري : اعلامیی
- لیکونکی: د افغانستان همبستګۍ ګوند
- نیټه: دوشنبه, 24 چنگاښ 1398
په دې وروستیو کې د افغانستان دولت د کابل پوهنتون د شرعیاتو پوهنځي څو تنه استاذان او محصلان د داعش د غړیتوب په تور ونیول. ددغو ځناور له ډلې څو تنو د امید میوند پهلوانۍ پر کلپ برید، پر هوایي ډګر برید، د اصلاحات اداري ریاست کارکونکو پر بس برید او...ورته نورو خونړیو بریدونو پړه منلې ده. البته دا ددې ځناورو یواځنی جنایت ندی او د نورو وژنو په ځانګړې توګه د شیعه مذهبه هیوادوالو پر وړاندې او د هیواد په ختیځ کې جنایتونه یې هم ترسره کړي دي. له دې ډلې څوتنو محصلانو منلی چې د کابل پوهنتون د دیني مضمونونو استاذانو له لوري داعش سره یوځای شوي دي.
په دې وروستیو کلونو کې ددې شاهدان یو چې په پوهنتونونو او د هیواد په نورو تعلیمي مرکزونو کې د بنسټپالۍ تبلیغ او ترویج ډیر شوی دی. له دې ډلې د ایران آزادۍوژونکی او کرغیړن رژیم زمونږ په هیواد کې په پراخ توګه د زدکړنیزو مرکزونو او رسنیو له لارې د «ولایت فقیه»ډوله بنسټپالۍ په خپرولو بوخت ده. د افغانستان دولت هم د امریکا له غوښتنې سره سم ددغه ناورین پر وړاندې چوپ ده. د داعش او طالب بیرغ د ننګرهار له پوهنتون څخه راپورته کیږي، د کابل پوهنتون په دیوالونو د داعش په ملاتړ شعارونه لیکل کیږي، جاهلو استاذانو د اسلامي ثقافت مضمون د طالبانو او داعشیانو په ګټه د تبلیغ وسیله ګرځولی ده، په پوهنتون کې ددې ډلو د پلویانو له لوري نجونو سره تاوتریخوالی ترسره کیږي او بیشمیره نورې بوږنونکي پیښې.
که څه هم په پیل کې امریکا او ملاتړو یې افغانستان د «ترهګرۍ سره مبارزې» په نوم ونیوه، خو له پیل څخه څرګنده وه چې امریکا د بنسټپالۍ له منځه وړلو لپاره نه بلکه ددې بدمرغې پدیدې د ودې لپاره زمونږ په هیواد یرغل کړی. د امریکا دولت تاریخ دا په ډاګه کوي چې دا هیواد په ځانګړې ټوګه له دویمې نړیوالې جګړې راپدیخوا، د نړۍ په ډیرو برخو کې د خپلو یرغلګرو سیاستونو پر مخوړلو لپاره د ځناورو ډلو په جوړولو او ملاتړ لاس پوری کوي. زمونږ په هیواد کې، د امریکا دولت او سیآیای د پاکستان، سعودي عربستان، ایران او خپلو څارګرو سازمانونو په مرسته د افغانستان اخوانیان پنډ کړل او وروسته یې د طالبانو جوړولو پروژه پاکستان ته ورکړه. نن ورځ یې ولیدل چې له جهادي بچیانو یې خلک تر وروستي بریده کرکه لري د حزب اسلامي، جمعیت اسلامي، اتحاد اسلامي او آن د طالبانو تاریخ پای ته رسیدلی ده، باید ددوي لپاره ځایناستی وټاکي چې له همدې کبله یې د حزب تحریر، جمعیت اصلاح، داعش، د ګولن غورځنګ او نورو ارتجاعي او منځنیو پیړیو ډلو ته د ودې زمینه برابره کړه ترڅو د افغانستان د خلکو او په خاصهتوګه د ځوان کهول مغز پریمنځي او په تیاره کې وساتل شي. یواځې د دا ډول ډاډه کورنیو هډو په شتون کې امریکا کولای شي زمونږ په خاوره کې خپل بدمرغه شتون ته ادامه ورکړي. دا ډولاډول ډلې د ځینو اختلافونو سربیره چې خپل منځ کې لري خو پردیو ته په مزدورۍ کې، جنایت، بربریت، ناپوهۍخپرولو، له دموکراسۍ او ښځو سره ضد کې ټول يو شان ماهیت لري چې د ټولنې پر بدن د سرطان دانې ته ورته دي.
د اسلامي ټولنو ډیرۍ خلک د بنسټپاله ډلو په ماهیت چې د ښکیلاکګرو هیوادونو د څارګرو سازمانونو د لاسآلې دي پوهیدلي او د هغوي پر وړاندې راولاړ شوي دي. هغوی په دې پوهیدلي تر هغې چې ددغه وژونکي ویروس له جال څخه خلاص نشو، هیڅکله نشو کولای د پرمختګ او انسانیت له کاروان سره یوځای شو. په تونس کې راشد الغنوشي، د افغانستان د اخوانالشیاطین پلار د خلکو مبارزو ته سر ټیټ کړ او د دین او دولت د بیلتون غوښتونکی شو؛ په مصر، د اخوان اصلي ټاټوبي کي، د اخوانالمسلمین ګوند غیرقانوني اعلان شو او مشران یې تر څار لاندې ونیول شول. په ترکیه کې ورځ تر بلې د بنسټپالۍ ضد مبارزې پراخیږي، اردوغان یې وارخطا کړی ده. آن د عربستان دولت د عربي نړۍ د تمدنغوښتونکي غورځنګ څخه په سبقاخیستلو، په پراخه اصلاحاتو لاس پوری کړی تر څو د خلکو د کرکې مخه ډب کړي. د افغانستان خلک او په ځانګړی توګه ځوان کهول باید دې پوهې ته ورسیږي چې د افغانستان د اوسني ناورین یو له اصلي لاملونو څخه د بنسټپالو ډلو خیانت او مزدوري او جنایتونه دي. دوي د ښکیلاکګرو او پاکستان، ایران، عربستان او ... دولتونو د هډو په څیر دنده لري چې د خلکو له عقیدې څخه ناوړه ګټه واخلي، په ځانګړی توګه ځوانان په ناپوهۍ کې وساتي او له هر ډول انساني او ملي حس څخه یې خالي کړي. تر هغې چې ددغه پراخه رنځ پر وړاندې جدي مبارزه ونشي، افغانستان هیڅکله سولې، ښیرازۍ او عدالت ته نشي رسیدلی.
د «افغانستان همبستګۍ ګوند» چې د یو پرمختللي تشکیل او ددې خاورې د رنځیدلو خلکو استازی او د ځانوژونکو او جنایتکارانه بریدونو قربانیانو رغنده غږ دی، د امریکا ددغو حرمونو بچیانو لپاره د سختې سزا غوښتونکی دی. خو په وروته وخت کې په دې باور دی چې د تنظیمي، طالبي، داعشي او نورو انسانوژونکو محاکمه یواځې د رنځیدلو خلکو په لاس شونې ده او هیڅ ښکیلاکګر قدرت او د هغوي کورنۍ چوپړان دا کار نه کوي ځکه د هغوي په شتون کې یې ګټه ده. باید د کوباني جنګیالو او زړهورو ښځو څخه یې زدهکړو او ددغو ځناورو پر وړاندې ودریږو. که چیرې نن د انسانیت او دموکراسۍ او عدالت ددغو خطرناکو دښمنانو پر وړاندې راولاړ نشو، زمونږ افغانستان به یو خونړی او تور راتلونکی تجربه کړي.
د افغانستان همبستګۍ ګوند
د ۱۳۹۸ کال د چنګاښ ۲۵مه – د ۲۰۱۹ کال د جولای ۱۵مه
