یوازی د نیواکګرو او د هغوی چوپړانو په شړلو سره دموکراسۍ او هوساینی ته رسیدلی شو!
- کټګوري : اعلامیی
- لیکونکی: د افغانستان د همبستګۍ ګوند
- نیټه: چهارشنبه, 15 تله 1394
پر افغانستان د امریکا له تیري څخه څوارلس کاله تیر شول. نیواکګر د «ترهګرۍ سره مبارزې» تر نامه لاندی ډګر ته راغلل او په وژنه، لوټولو، په بیساری توګه د مخدره توګه وده او جګړې ته په لمنه وهلو او هیرویینسالارانو په پنډولو یی، دغه هیواد د بیدفاع خلکو په هدیره بدل کړو. نیواکګرو خپلو اقتصادی او اوږدمهاله موخو ته رسیدو لپاره په افغانستان کی پوځي هډې جوړې کړی ترڅو وکولای شی تر ډیرو کلونو زمونږ په خاوره کی د ځناورتوب او شډلتیا اور بل وساتي.
یرغلګرو امریکایانو او د هغوی ملاتړو د افغانستان نیواک په لومړی ورځو کی دا چیغې وهلی چی نور طالبانو او ترهګرو ماته خوړلی ده. ولی د وخت په تیریدو او په ټول افغانستان که د بدامنی زیاتیدو او د کندز رانسکوریدو د یرغلګرو او ددوی روڼآندو چوپړانو ناولي پلانونه برالا کړل.
په تیرو څوارلس کلونو کی د امریکا شیطانی سیاستونو خلک پدی وپوهول چی ترهګرۍ د امریکا یوه وسله او له دغې لاری ولسونه مرئیتوب لوری ته بیایی. په افغانستان او د نړۍ په ګوټ ګوټ کی د امریکا له لوری د داعش سمبالول، تمویلول او تبلیغ کول، د هماغه کرغیړن سیاست لړۍ ده چی د اخوانی، القاعده او طالب تر نامه لاندی ځناورو بنسټپال د آی.ایس.آی او چوپړو هیوادونو په مرسته په تیرو څلور لسیزو کی زمونږ پر خلکو راوتپل. او دا ځل داعش نه یواځی افغانستان چی سوریه، عراق و نور هیوادنه یی هم د ډبرو عصر په ځناورتوب کی رانغاړلی دي.
د امریکایی او ناټو قوتونو له لوری ۳۰۰زرو بیدفاع افغانانو وژنه، د هیواد په ګوټ ګوټ کی ویجاړونکي بمبارونه، د کیمیاوی بمونو ازمویل، مړو ته سپکاوی او پر هغوی میتیازی کول، پر ښځو تیری کول او پدی ورستیو کی په کندز کی د بیپولی ډاکټرانو روغتون بمبارول او د کارکونکو او رنځورانو وژل او...، د بی۵۲ دموکراسۍ پایله ده چی روڼآندی چوپړان او د هغوی پلویان په سپینسترګتوب او رذالت له خلکو غواړی چی د هغوی پورهوړی اوسی او د امریکا او ناټو جنایتکونکي او لوټمار پوځ څخه ملاتړ وکړي.
په لومړیو کی امریکا د کرزی او د هغه خاینو پلویانو په مرسته میلیارډونه ډالر د ملیضد او خرڅشو عناصر او کړیو جیبونو ته ورواچول او له هغوی څخه یی د مافیا پادشاهان او وینهڅښونکی جوړ کړل چی اوس ډیرۍ دغه چوپړان په ګوډاګي حکومت کی را ټول شوی، ترڅو په آسانۍ سره هیواد د بادار په خوښه جنایت او وینېبهیدنی ته خالی کړي. نیواکګر غواړی چی افغانستان په بدامنۍ او بیثباتۍ او جګړه کی ډوب وی ترڅو وکولای شی له دی ځایه منځنۍ آسیا ته ترهګرۍ ولیږدوی او خپل پخوانی رقیبانو په خاصه توګه روسې او چین ته زیان ورسوي او ددغه کرغیړن سیاست اصلی قربانیان زمونږ بدمرغه خلک دي.
د «افغانستان د همبستګۍ ګوند» د اکتوبر اوومه د امریکا او ناټو له لوری د افغانستان نیول د ۱۳۵۸ کال د مرغومی له ۶می سره یوه بولی، او په سختو ټکو هغه غندی او د آزادۍ په کوکارو سره له خپلې خاوری پرته له کوم شرط څخه د ټولو نیواکګرو او لاسوهونکو وتل غواړي.
د «افغانستان د همبستګۍ ګوند» یوواری بیا پر خپلو ننګیالیو خلکو او ټولو ډلو او د هیواد پر ويښ شخصیتونو غږ کوی: پدی وخت کی چی هیواد په وینو او خیانت کی ډوب دی او په بی شماره دسیسو له شماله تر سهیله او له فراه تر کندزه د ترهګرۍ په اور کی سوځي، چپتیا تلپاتی بیننګی ده. له هر امکان او موقع څخه په ګټه پورته کولو، د ملیضد دښمنانو او په خاصه توګه د چوپړو روڼآندو لوبی خنثی کړو او خلکو ته دا پوهه ورکړو چی د خپلواکۍ جګړې لپاره چمتو شی. تر اوس مهاله هیڅ داسی ولس نشته چی پرته له مبارزې او پاڅون آزادۍ، دموکراسۍ او عدالت ته رسیدلی وي.
په سرتاسری یووالي او پاڅون، یرغلګرو او د هغوی کورني چوپړانو ته د عبرت سبق ورکړو!
هغه ولس چی خپلواکي ونلری، هیڅکله نشی کولای دموکراسۍ، عدالت او هوسانی ته ورسیږي!
له خپلواکۍ پرته، دموکراسۍ، عدالت او هوساینی ته نشو رسیدلی!
حزب همبستگی افغانستان
۱۳۹۴ کال د تلې ۱۵مه (۲۰۱۵ کال اکتوبر ۷مه)
