ویدیو: د شهید فرخندې د وژلکیدو تلین په یاد
- کټګوري : ویدیوګانې
- لیکونکی: د افغانستان همبستګۍ ګوند
- نیټه: یکشنبه, 29 کب 1395
۱۳۹۵ کال د کب ۲۸مه – کابل: د همبستګۍ ګوند یو شمیر ښځې او ځوانان د «شهدې فرخندې څلی» ته څیرمه را غونډ شول او د فرخندې، رخشانې، تبسم او په زرګونو نورو نوم ورکو ښځو چی په افغانستان کی د بنسټپالۍ ځناورتوب قربانی شوی په یاد، د ګلو ګیډۍ کیښوده او شمع یی بلې کړې. په ورته وخت کی ګډونوالو له ځانه سره د قربانیانو انځورونه لرل او د هغوی لپاره یی دعدالت غوښتلو شعارونه ورکول.
سحر، چی د همبستګۍ ګوند له ځوانانو څخه ده، ددې غونډې موخه داسی بیان کړه:
«دلته راټول شوی یو ترڅو رنځیدلی ولس ته دا ورپه یاد کړو چی څه ډول جنایت ترسره شوی دی او پرینږدو چی ځناور چارواکی زمونږ په یادښت او سترګو خاورې وشیندي. باید هر کال دلته راغونډ شو او خپلی مبارزې ته تر هغې ادامه ورکړو ترڅو زمونږ خلک په دې وتوانیږي چی دا خاینان محاکمه کړي.»
سیلۍ غفار، د همبستګۍ ګوند ویاندې چی په دې غونډه کی ګډون درلود، وویل:
«د افغانستان همبستګۍ ګوند پر کړیدلو خلکو او پرمختللو ځواکونو غږ کوی چی یو بل ته لاس ورکړي او د بنسټپاله او غیر بنسټپاله مرتجع ناتارکونکو پر وړاندی راولاړ شو که نه نو د هرې افغانې ښځې او سړي حال به له فرخندې څخه بهتر نه وي. باید پرینږدو چی زمونږ پر يادښت لوبې وشي. لږ تر لږه دومره خو کولای شو چی د فرخندې د وژلکیدو په تلین کوڅو ته راووځو او پرینږدو چی د فرخندې، رخشانې، تبسم او د افغانستان په زرګونو نورو نومورکو ښځو پر وینو معامله وشی او د افغانې ښځې پر وړاندی نور ځناورتوب ته لاره هواره شي. زمونږ چُپتیا، زمونږ مرګ دی!»
غونډ ماښام په هماغه وخت کی چی شهیده فرخنده وژل شوی وه، د شمع په بلولو سره پای ته ورسیده. خو یقیناْ دا د کار پای ندی او تر هغې چی ددغه بیساری ځناورتوب اصلی ترسرهکونکی لکه شرف بغلانی، حبیب دهافغانان او د هغوی ملاتړي سرجنایتکاران د خپلو ګړنو سزا ونه ګوري، زمونږ مبارزه په ادامه ولري.
