د همبستګۍ ګوند ځوانانو د ايران جاسوسخونې دروازه رنګباران کړه
- کټګوري : د ګوند کړنې
- لیکونکی: د افغانستان همبستګۍ ګوند
- نیټه: یکشنبه, 18 غبرګولی 1399
نن د ۱۳۹۹ کال د غبرګولي په ۱۸مه د همبستګې ګوند نجونې او هلکان په کابل کې د ايران سفارت مخې ته راغونډ شول او د ايران په یزد ښار کې د افغانو کارګرانو موټر سوځول، په هريرود کې د کارګرانو ډوبول او د خامنهای وينېڅښونکي رژیم په سلګونو نور بشر ضد جنايتونه یې وغندل او ددغه کرغيړن رژيم د سفارت لوحه او دروازه یې د اعتراض په بڼه په رنګ ولړله ترڅو د کابل لاسپوڅي دولت او فقیه ولايت څخه د هيوادولو کرکه ښکاره کړي.
قهريدلو او معترضو ځوانانو د ايران وينيبهونکي دولت پر ضد شعارونه هم ورکړل: «د خامنهای ځناور رژيم له لوري د زيارکښانو سوځول او ډوبول نه بخښونکی جنايت دی!» «لږ اوبه راوړئ چې وسوځيدم!» «د ايران ځناور رژيم د طالب او داعش ورور ده!» «د افغانستان زيارکښانو وينه هيڅکله د خامنهای وينیڅښونکي رژیم ته نه بخښو!» «مړه دې وي زورواکي، هم په کابل هم په تهران کې!»
