کندز د ځناورو طالبانو او ملي وحشت حکومت د بیپروایی په اورکې وسوځیده
- کټګوري : گزارشونه
- لیکونکی: بهروز پویان
- نیټه: یکشنبه, 03 لړم 1394
د طالبانو په لاس د کندز د را پرځیدو وروسته، په دی ښار کې اور ولګید او مظلوموو اسیدونکو یی بشری ضد جنایتونه وزغمل.
د ملی ځناورتوب حکومت په یوی پټی معاملی سره دغه ښار ځناورو طالبانو ته وسپاره او هغوی هم یو ځل بیا خلکو ته په لوټونی، جنسی تیری او ډلهیزی وژنی سره خپله شډلتیا او بیرحمی وروښودله.
تیرو څو ورځو کې د طالبانو او امنیتي ځواکونو تر منځ د ښار په کوڅو کې سخته جګړه روانه ده. د نورو جنګونو په څیر، د جګړی اصلی قربانیان بی ګناه خلک دي چې د جګړی په منڅ کې نښتي دي او د وتلو هیڅ کومه لاره هم نه لري، خپلو کورونو کي بند پاتی دي. په دی منځ کې اربکیانو او تنطیمي قومندانانو د خلکو د شتمنیو په لوټونی کې د طالبانو سره لاس یو کړی دی.
دولتی اداری چې د هغی له جملی نه د ملی امنیت دفتر، ولایت، د امنیی قوماندانی، بانکونه، دسروزرو پلورونکې هټۍ، د دولتی چارواکو کورونه، د یوناما دفتر او غیر دولتی موسسی د طالبانو پوسیله لوټ شوي دي. او په حال کې طالبانو د دولتی چارواکو په وژنه هم لاس پوری کړی چې د هغی ډلی نه د چهار دری ولسوالی ۴۰ تنه د ملی امنیت کارکوونکې د قرییتم په کلی د چارمار کیدو ذکر وکړ.
په تیرو ورځو کې، د ع او غ حکومت د کندز ښار د بیا نیونی ادعا کوي او رسنۍ هم د حکومت په سترو سترو ویلو سره د خلکو په غولونی اوښتی دي، په داسی حال کې چې د کندز ښار اوسیدونکې د پرلپسی اړیکو په نیولو سره په هغوی د طالبانو د حاکمیت څخه خبر ورکړی او د رسنیو په درواغو قهرجن دی.
د ځایی خلکو د وینا پر بنسټ په دی نښتو کې د ۴۵۰ تنو څخه زیاد د ښځو او ماشومانو په ګډون وژل شوي دي او په زرګونو نور ګاونډیو ولایتونو ته تللی دی. خو اوس هم د خلکو د تلفاتو کره شمیره په لاس کې نشته.
د امریکایې ځواکونو په بمبار کې هغه ډاکټران چې ځانونه یې دلاسه ورکړي
د ناټو د وروستني بمبار له امله د «بی پولي ډاکټرانو په مرکز»، سپین زر شرکت، سه درک، دخیابان جومات، باغ شرکت او انګور باغ خلکو ته بی شمیره تلفات اوښتي دي. د ځایي خلکو په وینا طالبانو په زور ډاکټران د کورونو نه روغتون ته وړي چې نږدې د ناټو په بمبار کې یو ځای د بستر شوو مریضانو او د روغتنون د نور کارکونکو سره چې شمیر یي ۵۰ تنو ته رسیږي ځانونه د لاسه ورکړی.
هـ. ن. د دی ښار یوه تن هټی وال چې د کورنۍ سره یو ځای په جګره کې نښتي دي، په یوه تیلیفونی اړیکه کې وايی: «پرون شپه طالبانو په زور زموږ ځایی ډاکټران د ځانه سره یووړل او نن یی مړي په روغتون کی د ناټو د هوایی ځواکونو برید څخه وروسته پیدا شول.»
ډاکټر امین او ظاهر پاکنهاد په دی پیښه کې د وژل شوو ډاکټرانو د جملی څخه دوه تنه دي.
هغه همدارنګه زیاتوی چې د هغه ګاونډی د س. ا. په نوم چې د یوه خصوصي بانک کارکونکی ؤ، تیره شپه د طالبانو په وسیله په کشولو کشولو له کوره یووړل شو. هغه د ځان د ژغورنی لپاره چیغې وهلی او تر اوسه یي د راتلونکې نه کوم خبر نشته.
هغه قابله چې د طالبانو پوسیله د تیري نه وروسته ووژل شوه
د کندز د یوه روغتون (ف) نومی نرسه چې ددی ولایت یوې ولسوالی ته یی تیښته کړی، وایې «څو تنه همکاران می د نوکریوالۍ په شپه د طالبانو په وسیله د جنسی تیری نه وروسته ووژل شول. هیڅ داسی کور نشته چې یو دوه ټپیان او وژل شوي پکی شتون ونلري.»
د ف. م. په نوم زدهکونکی چې همدا اوس د خپلی کورنۍ سره د کندز په ښار کې دی، وایی «ډوډی په ډیری سختی سره په ښار کې موندل کیږی او د یوی ډوډی بیه ۶۰ افغانیو ته رسیدلی ده. په ښار کې د دوا او درملو څخه کوم خبر نشته، هغه کورونه چې خاوندان یی تښتیدلي دي، د طالبانو او غلو پوسیله لوټیږي.
په همدی حال کې راپور ورکول کیږي چې جنایت او لوټونه په دی ولایت کې قومی رنګ او بوی اخیستی دی او د غچ اخیستنی حس لوړ دی. طالبانو د اربکی قومندانانو او دولتی کارکونکو کورونه لوټ کړی او مال یی غنیمت ګڼی، اربکیانو په پښتون میشتو سیمو بلوا وروړی، د عامو وګړو مال او شته یی وړی دی، په دی انډوخر کې، اصلی قربانیان عادی خلک د هر ملیت دی چې ددی ځناورو او کوڅهډبو بانډونو په ویجاړۍ کې په ستونزه سره نفس کاږي.
