پرینږدو ځناور واکمنان زمونږ په یادښت باندې لوبه وکړي د فرخندې په وړاندې ترهه هیره شي!
- کټګوري : اعلامیی
- لیکونکی: د افغانستان همبستګۍ ګوند
- نیټه: شنبه, 28 کب 1395
د فرخندې له مړینې دوه کاله تیر شول، هغه زړهبوږنونکي جنایت چی د افغانستان او نړۍ باوجدانه انسانان یی ولړزول خو نامحترمه «چارواکو» غوږ هم پری و نه خوږاوه او تر نن ورځې ددغه بیساري ځناورتوب اصلی ترسره کونکو لکه شرف بغلانی، حبیب دهافغانان او ددوی ملاتړي سرجنایتکارانو ته د خپلو کړنو سزا ورنکړای شوه او په آزاده توګه ښکته پورته ګرځي. څو تنو د ښځو ضد او کرغیړنو لکه ملا ایاز نیازی، سیمین حسنزاده، زلمی زابلی، حشمت ستانکزی د فرخندې وژونکو ملاتړ وکړ او که د فیسبوک کارونکو بمبار لاندی نه وای نیول شوی، په ډاډ سره ډیر شمیر نور دولتی همفکران یی هم د ځان مسلمان ښودنې لپاره له هغوی سره یوځای کیدل.
په کړاو سره د فرخندې وژنې او د څو تنو ننداریزې محاکمې یو وار بیا دا په ډاګه کړه چی د امریکا تر نیواک لاندې او د هیوادپلورونکو تر ولکی لاندې هیواد کی عدالت او برابري هیڅ ارزښت نلري او په ځانکړی توګه کله چی قربانی یوه ښځه وی، فاسد چارواکی په خاینانه توګه په پراخه ټنډه هغه پټوي. اشرف غنی خپله ناولی څیره هغه وخت په روښانه ډول ښکاره کړه چی له دغه زړهبوږنونکی ناورین څخه په بیپروایی تیر شو او ټول سوچ یی دا دی چی څرنګه د بیوزله او بدمرغه ولس له جیب څخه په ډولا ډول لارو دولت خزانې ته پیسې ولیږدوي او د لوټمارو چارواکو جیبونه ډک کړي.
ځناور واکمنان له ولسی محاکمې څخه د د تیښتې لپاره، د کمیسیونونو جوړولو او نورو غولونکو لارو په جنایتونو او خیانتونو پرده اچوي. د شهید فرخندې په اړه هم لمړی د خلکو غولولو لپاره یو کمیسیون جوړ شو چی په راس کی معاملهکونکو او سرکاری ښځو شتون درلود چی هیڅ لاسته راوړنه یی نلره. وروسته د خلکو غوسې آرامولو لپاره ښکاره او له ملنډو ډکه محاکمه ونیول شوه. خو په عمل کی نه یواځې دا چی ددغه ځناورتوب اصلی ترسرهکونکو ته سزا ورنکړل شوه بلکه د د هغې کورنۍ او نیاوغوښتونکو خولۍ بندولو لپاره لاس په کار شول. دولتی بنسټونو د پرلپسې ستونږو جوړولو له لاری کوښښ وکړ چی د همبستګۍ ګوند له لوري د «شهید فرخندې څلۍ» جوړولو مخ ته خنډ شی چی له نیکهمرغه د ګوند د فعالانو او ولسي ملاتړ فشار په پایله کی دغه څلۍ بشپړ شوه. د فرخندې د وژلکیدو لمړي تلین په مراسمو کی، کله چی د هغې کورنۍ او په ځانګړی توګه د هغې زړهوره مور د رسنیو پر وړاندې راڅرګنده شوه او د لور پر وړاندې یی د جنایت ترسرهکونکو په محاکمه کی د دولت له ناغیړۍ څخه وویل، وګواښل شوه او د خولۍ بندولو هڅه یی وشوه.
نن هم وروستۍ څیړنی او راپورونه دا څرګندوی چی ډیرئ تورن آزاد شوی او له وروستۍ فیصلې هیڅ خبره نشته. آن تردې چی سپوږمۍ وردک، د ښځو چارو وزارت معینه «ددغې قضې په اړوند په اجرایی او قضایی بنسټونو کی د ځینو زورواکانو له نفوذ او لاسوهنی» څخه خبری کوی خو کاشکی چی د هغوی د نوم اخیستلو وجدان او جرات یی درلودلی او یا د یوې افغانې ښځې پر وړاندې د دومره خیانت په لیدو سره له دغه بیارزښته مقام څخه ګوښه شوی وای.
د «افغانستان همبستګۍ ګوند» پر کړیدلو خلکو او پرمختللو ځواکونو غږ کوی چی یو بل ته لاس ورکړي او د بسټپاله او غیر بنسټپاله مرتجع ناتارکونکو پر وړاندی راولاړ شو که نه نو د هرې افغانې ښځې او سړي حال به له فرخندې څخه بهتر نه وي. باید پرینږدو چی زمونږ پر يادښت لوبې وشي. لږ تر لږه دومره خو کولای شو چی د فرخندې د وژلکیدو په تلین کوڅو ته راووځو او پرینږدو چی د فرخندې، رخشانې، تبسم او د افغانستان په زرګونو نورو نومورکو ښځو پر وینو معامله وشی او د افغانې ښځې پر وړاندی نور ځناورتوب ته لاره هواره شي. زمونږ چُپتیا، زمونږ مرګ دی!
د افغانستان همبستګۍ ګوند
۱۳۹۵ کال د کب ۲۸مه – ۲۰۱۷ کال د مارچ ۱۸مه
