«هغوی یواځی نه نڅیږي» مستند، له بچهبازۍ څخه د جهادی قومندانو خطرناکه میراث
- کټګوري : مقالی
- لیکونکی: احمر
- نیټه: شنبه, 18 غویی 1395
«هغوی یواځی نه نڅیږی: د جنسی ناوړهګټې لپاره د لږ عمر هلکانو ګمارل افغانی دود»، د «روسیه امروز – RT» ټلویزون نیم ساعته مستند تولید دی چی د تیریو اونیو په لړی کی څو ځلی ددغې شبکې له لوري خپور شو. په دغه مستند کی د بچهبازۍ ناوړه دود د افغان جنګسالارانو له خوا انځور شوی دی.
مستند په یوه پرتمینه ګوټه کی یو معصوم نوی ځوان نڅا لپاره چمتوکولو په صحنې او د هیواد دردناکه حالت په اړوند چی د ټوپکمارنو او ظالمانو د واکمنی لاندی دی د مستندجوړونکی په وینا سره پیل کیږی:
«ننی افغانستان: هغه ځای چی په هغی کی ځناورتوب په قانون باندی بدل شوی دی؛ باید ژوندی پاتیکیدلو لپاره کلک، بی رحمه او د وسلې استعمالولو باندی بلد اووسو. ربښتنی سړو ته اړتیا ده تر څو چی سګرټ د بخاری د دودو کش په شان وسکی، آس ته لیوالتیا ولری، تسبیح واچوی او طبیعی ده چی د هلکانو د نڅا څخه د ښځو په جامو کی د بالغ سړو په شتون کی خوند یوسی.»
وروسته مستند د مزار د یو تنظیمی قومندان په لور ځی چی خپل ځان دارنګه راپیژنی:
جبار
«زه، نوم می جبار دی. په دی سیمه کی قومندان یم، په اټکل سره قابو شل کاله کیږی. پخوا می د دولت سره کار کاوه ولی اوس وزګار یم، په کور ناست یم. دغه ډول دی چی هلک هرکس، او هر څیز خوښوی بیا یو ډول خلک شته دی چی هلک د جینی څخه ډیر خوښ لری. ځکه چی دغه یی پخوانی رسم او دود وه، بچه بازی یی خوښیږی.»
مستندجوړونکی د جبار(یو بچهباز تنظیمی قومندان) سره په خبرو کی، لوی رییس (پنډ سړی چی پخپله بچهباز دی او دنورو لپاره هم نوی ځوان هلکان د بچه بازی لپاره برابروی) او محمد (۱۷ کلن هلک چی د ۵ کالو راپه دی خوا نڅیږی) ښکاره کوی چی څه ډول د بیوزله کورنیو استعمالولو سره، کوچنیان یی دغه ډول ځای ته راښکل کیږی. لوی رییس په حوصلی سره وایی:
رییس کلان«زه پحپله هم غریب یم، زړه می په غریبانو سوزی. ځکه چی د غریبو او بی وزلو غوښتنه وی، د ځینو خلکو سره چی ناسته ولاړه لرم، ماته وایی چی ماته کار پیدا کړه، ما په دی ځای یا هغه ځای کی داخل کړه. په همدغه حساب، زه هم یو د رحم زړه لرم، ورسره مرسته کوم، پرته دکومی بډی او کومو خبرو او اترو او دغه خبری.»
جبار په ښه توګه د افغانستان د دولت ښکاره مافیایی وضعیت په ښه ټوګه راپیژنی:
«د افغانستان دولت په بچهبازی باندی بندیز لګولی دی. نور ځنی یی هم کی، هغه کسان یی کوی چی هغه وسلهوال وی، قومندانان وی، هغوی دغه کار کوی. نور عام یی نه شی کولی، په دغه خاطر چی د افغانستان دولت په دې باندی بندیز لګولی دی.»
یو بل بچهباز سړی چی خپل ځان د بلخ د شولګره ولسوالی څخه معرفی کوی، زیاتوی:
«...د بیلګې په ډول د قومندنانو بچه بازی ډیره خوښیږي، د یو قوم د لوی مشر، د ملک.»
او دځواک لامل یی دا دی چی په ټوله بی شرمی او پرته د ویری څخه په دغه فلم کی څرګندیږي. که څه هم ستر بچهبازان یواځی د نوی ځوانانو هلکانو د نڅولو څخه خبری کوی، خو دغه بی ګناه ماشومان د هغوی څخه ناوړه جنسی ګټو اخیستلو څخه پرده اوچتوی.
مستند د بچهبازۍ په یو محفل سره چی په پټ او ښکلی کور کی چی په ځانګړی توګه ددغه ډول عیاشیانو لپاره په نظر کی نیول شوی او په دغه ځای کی جبار او څوتنه نور هم راټول شوی، پای ته رسیږی.
که هر څه، د دغه مستند په هر برخه کی هڅه شوی چی دغه جنایت د افغانستان د فرهنګ یو برخه وښایی، خو د احمد شاملو په وینا «اصولآ، د نړیوالۍ سرمایهداری د سیاسی واک او د لاسپوڅو حکومتونو تر اغیز لاندی، په یوی وینا کی، یواځی د بومی فرهنګ ارتجاعی عناصر پراختیا مومی.» بچهبازی او پر لږ عمر نجنو باندی جنسیتیری له همدغې ډلې څخه دی چی عمدتآ پخوانی جهادی قومندانان، چی د لوټ او پردیو ته غلامی کولو له لاری څخه اکثر یی میلیونر شوی دی، د دغو بدمرغیو لاملان دي.
مد «هغوی یواځی نه نڅیږي» مستند یواځی د بلخ څخه د بیلګی په توګه یوه کیسه بیانوی. ولی دغه جنایت په ټول افغانستان کی د تنظیمی قومندانانو د سیوری لاندی ترسره کیږی. که څه هم د افغانستان دولت د «ماشومانو حقونو کنوانسیون» یی لاسلیک کړی دی خو د جنایتکارانو د واکمنۍ لاندی په هیواد کی، قانون ورته د یوه کاغذ ارزښت نلری ځکه چی هغوی د واک په څوکۍ خیټه اچولی ده خپله په بدترین شکل د قانون تر خپو لاندی کونکی او د انسانیت دښمنان دی. که څه هم د بلخ امپراتوری او د هغه په شان نورو د خپل ځان پرمختللی ښودلو لپاره د نوی کال جشن په لاره اچوی او د نوروز څخه په ملاتړ د روڼاندو او تاریخدانانو په اکټونو او اداګانو په تلویزونی بحثونو کی ښکاره کیږی، خو د هغوی «نیکی خبری، نیک نصیحتونه، او نیکې کړنې» یی د خپلو او د هغوی د پلویانو د ناوړه کړنو څخه په څرګنده توګه ښکاره دی. پریږدی چی پرتو نادریان او رهنورد زریابان د عطامحمد نور لاس ښکولولو ته ورټیټ شی، لیکن داسی ورځ به راورسیږي چی زمونږ خلک به دوی د تاریخ ډیران ته وروغورځوي.
«هغوی یواځی نه نڅیږي» مستند ویډیو
