پر کنړ د پاکستان توغندیز برید پر وړاندې په جلالآباد کې اعتراضي غونډه
- کټګوري : د ګوند کړنې
- لیکونکی: د افغانستان همبستګۍ ګوند
- نیټه: سه شنبه, 31 چنگاښ 1399
ننګرهار – ۱۳۹۹ کال د چنګاښ ۳۱مه: نن په جلالآباد ښار کې د همبستګۍ ګوند غړو او پلویانو د یو لاریون په ترڅ کې د کنړ ولایت پر سرکاڼو ولسوالۍ او اسعدآباد ښار د پاکستان ترهګر روزونکي پوځ توغندیز برید وغنده چې په هغه کې تر اوسه زمونږ ۲۰ هیوادوالو ته مرګ ژوبله اووښتې ده. د یادونۍ وړه ده چې معترضانو غوښتل دا لاریون د پاکستان قونسلګرۍ مخې ته ترسره کړي خو د امنیتي ځواکونو له لوري اجازه ورنکړ شوه.
معترضانو د پاکستان دولت له شیطاني سیاستونو او د هغوي له افغاني چوپړانو خپله کرکه په شعار ورکولو سره ښکاره کړه: «مړ دې وي آیاسآی!» «د پاکستان دولت له لوري زمونږ د خلکو وژنه جنایت ده!» «مړه دې وي په افغانستان کې د پاکستان چوپړان!» «د خپلو هیوادوالو د وینو غچ له پاکستان څخه اخلو!» «لنډ دې وي زمونږ له هیواد څخه د جهاديتنظیمونو، طالبانو او داعشیانو د ملاتړو لاس!»
ورپسې د همبستګۍ ګوند ولایتي مسوول په خپله وینا کې وویل:
«دا لومړی ځل نده چې پاکستان پر ختیځو ولایتونو، په ځانکړې توګه پر کنړ توغندیز برید کوي. دا د سیآیای یوه پروژه ده چې د پاکستان دغلباز دولت او آیاسآی په مرسته غواړي د پولې څیرمه سېمې له خلکو تشې او هغه ځای د ترهګرروزونکو په مرکز بدل کړي. هره ورځ ګورو چې طالبان په کنړ او نورستان کې د ښوونځيو دروازې تړي او د هغو پر ځای دیني مدرسې پرانیزي چې په هغې کې سختدریږي او وهابیت تبلیغ کړي. له دوه ورځو را پدیخوا طالبانو د ناړۍ ولسوالۍ او مرکز عمومي لاره تړلې تر څو د دولسم ټولګي فارغان په کانکور آزموینه کې ګډون ونکړي او په ناپوهۍ کې پاتې شي. له همدې کبله پاکستان دغه تورانده ډله ملاتړ کوي تر څو نوی نسل له تمدن څخه لری په جهل او خرافاتو کې ډوب کړي.»
ورپسې عزت الله ځواب، پر هیواد میئن او زړهسوانده شاعر، د پاکستان کرغیړن سیاستونه د یو شعر په ویلو سره وغندل:
داعش دی، ترورست دی، القاعده دی پاکستان
د ډېرو جهاديانو په فايده دی پاکستان!
لاهور دی، که پنجاب دی، که ريونډ، که کراچۍ ده
په پوچو نظريو باندې ګنده دی پاکستان!
مونږ خپلو کې اخته يوو يو بل وژنو نه پوهېږو!
که پوهه شو نو هسې پاغونده دی پاکستان!
هنداونو ته سجدې کوي چې زور ورباندې راشي
په سيمه کې د لوی انګرېز بنده دی پاکستان!
ساده پاده عوام يې ورپسې دي غولوي يې!
نيولی ملايانو په چنده دی پاکستان!
ځوابه ستا شعرونو کې د سپي بچی رقيب دی
خو ستا د مخالفو سرېنده دی پاکستان!
لاریون د عمران خان او مولانا فضلالرحمن انځورونو په سوځول سره پای ته ورسیده.
