د کابل په واټونو کې د شورای نظار لنډغری او ځناورتوب
- کټګوري : گزارشونه
- لیکونکی: فیروز
- نیټه: یکشنبه, 26 وږی 1396
د وږی په ۱۸، د احمدشاه مسعود د مړینې په کلیزه د کابل خلک د تنظیمی ځناورتوبونو د کلونو جټکه یو ځل بیا تجربه کوی. شورای نظار پوری اړوند یو شمیر سرغړونکې کسان په مستی او ځناورتوب سره په ټول ښار کې وګرځیدل چې د کابل ښاریانو لپاره د ستونزو او اندیښنو لامل شول. هغوي ډیری په هوایی ډزو لاس پوری کوي پرته له دې چې امنیتې ځواکونه د هغوي مخه ونیسی او آن تر دی چې ځینې نظامی او دولتی ګاډي هم د دوی په کاروان کې لیدل کیږي. دوی چې د مسعود لپاره د وېرنه تر نامه لاندي واټونو ته راوځې، د دوی حرکتونه ډیری جشن او نڅا ته ورته والی لری.
د ورځې په لومړنیو ګړیو کې، د دغه کوڅهډبو له ګاډو څخه یو یې په خیرخانه کې دری تنه ماشومان لاندي کوی چې په ډیر ناوړه وضعیت کې روغتون ته ولیږدول شول.
دغه له ملنډو ډکی او کوڅهډبې نندارۍ په خورا سترو لګښتو سره «د احمد شاه مسعود بنسټ» او جمعیت اسلامی پوری اړوندو تنظیمی قومندانانو له لورې څخه د ځواک ښودنې په موخه په لاره اچول کیږې. مګر د کابل خلک د دغه ډول انسانیضد مستیانو څخه داسی کرکه لری چې دغه ځانښودنه تر هر څه وړاندی په عامه افکارو کې مسعودیان د سرغړونکو او له انسانی تربیت څخه لری عناصرو په توګه ثبتوی.
ملی اتل هغه څوک دی چې د ټول هیواد خلکو په زړونو کې ځاي ولری او پر ولس باندي د منلو لپاره دغه ډول ځورواکیو او پیسو ته اړتیا ونلری.
