عفرین، کوبانی نینگ حماسه سینی تکرار قیله دی!
- رده: اۉزبېکچه بۉلیمی
- منتشر شده در یکشنبه، 15 دلو 1396
۲۰ جنوری ۲۰۱۸- ییلیده ترکیه فاشیستی دولتی جنایتلری دوامیگه عفرین ده گی داعش و « پی.کی.کی تروریست لری» نی سرکوب قیلماغی نی رسمی چه اعلان ایتدی. بو مستبد و جنایت ارداغلاوچی دولتی، دنیا وایچکی عامه ذهن لرینی چلغیت ماغی اوچون داعش هم بو منطقه ده بار دیب ادعا قیله دی اما برچه گه یاروغ دیر که بو تاش باغیرلی گروه نینگ بساطی سوریه دن کوته ریلیب اینیقسه عفرین و اطرافیده داعش دیگن گروه حاضر کوریلمه گن. بوندن کوره مهم شو که اعتبارلی مرجع لرنینگ گزارشیگه اساس اردوغان دولتی داعش نینگ قتیغ حامی سی بولیب کوبانی گه حمله اویوشتیرگن پیتی داعش لباسیده ترکیه نظامیلری قتنشگن ایدی. حد اقل ترکیه دولتی قان توکووچی گلبدین، « کابل قصابی» گه اتاقلی، بیلن ایسکی دن بیری یقین ویخشی علاقه قورماغی بو مستبد دولت نینگ قاره کوچلردن حمایه قیلیشی گه دلالت قیله دی. بوندن باشقه، قان ایچووچی اردوغان دولتی اوتکن داعشی لر نی نیچه مینگلیک « سوریه لیک ایرکین اوردوسی» کوچلری آستیده قوراللنتیریب وتمویل قیلیب ترکیه رسمی اوردوسی نینگ یانیده بو منطقه ده دربدر یشه یدگین خلق نینگ اوستیده قوبارتکن. ترکیه اخوانلیک دولتی ستم چیککن کورد خلقی بیلن ایسکی دن خصومتی بارلیگی سبب، هیچ قچان ایسته مه یدی اولر صلح وآرامیشده حیات کیچیریب آزادلیک وعدالت دن بهره آلسه لر، شو اوچون پیاپی رسوا توطيه لر نی یولگه تشلب اونلرگه قرشی دهشت وزوروانچیلیککه قول اوره دی.
کوره شچین کورد لرنینگ قماقده گی رهبری عبدالله اوجالان اوچ ییل ایلگری کانتون عفرین نینگ باره سیده هشدار بیرگن ایدی: « بوگون، نساجی لیک کارخانه سی توزاتماغ کونی ایمس. سلاح ومهمات کارخانه سی توزاتماغ کونی دیر، جنگی کمونیسم یسه ماغی و جامعه ده ایلدیز ترقه تماغی.» و بوگون بو پیشبینی واقعیت گه ایلندی که یومروق نی یومروق بیلن جواب بیریش کیره ک.
کورد ملتی، دینلیک وغیر دینلیک ارتجاع قرشی سیگه ایاقه تورگن و کوره شگن پارلاق وبای تاریخگه ایگه دیر، اینیقسه کوبانیده حماسه لیکچه مقاومت کورسه تکندن سونگ تجربه لری اوسیب جیم اولتیرمه ی تقدیر لرینی بو توپراق ده یشه یدیگن عیال وایرکک لر کوچلی قوللری بیلن یازه دیلر. سوریه ده گی عفرین، عمده تا کورد لر یشه یدیگن شهری، اوچ کانتون ( عفرین، کوبانی وجزیره) لردن بیری دیر که « دموکراتیک بیرلش حزبی ـ پی. وای. دی» رهبرلیگی آستیده مستقل شکلده اداره بولیب و میلادی ۲۰۱۲ دن بیری نسبی خوفسیزلیککه ایگه بولگن. باشقه قوملر مثال اوچون عرب لر، ترکمن لر، آسوری لر، یزدی لر، ارمنی لر وچچن لر نی هم اوزیگه جایلشتیرگن. بوگون « سوریه لیک دموکراتیک کوچلری» جانیدن کیچگن جنگری لردن تشکیل تاپگن « خلق مدافعه واحد لری- ی پ گ» وباشقه ملیت لر اینیقسه عرب لر بیر- بیراوینی یانیده توخته گنلر. بوندن باشقه، عفرین- ده حیات کیچیره یاتگن لر ومنطقه ده حتی قری عیاللر شامل سلاح کوته ریب قهرمانلیک چه توناوگی داعشی لر و آغزیگه چه مسلح ترک اوردوسی گه قرشی اوریشه دیلر.
« افغانستان همبستگی حزبی» قیغولی افغانستان خلقی نینگ نماینده لیگیگه که ستمکش کورد خلق دیک بنیادگرلر، منطقه ارتجاع سی نینگ جنایت وبربرچیلیگیدن و امپریالیستی دولت لر نینگ مداخله لریدن رنج تارتماغده وهر کون خودکش پارتلش وپارتلمه لرده عزیز لرینی قولدن بیره دیلر، عفرین کوره شچین لریدن حمایه سینی اعلان قیلیب و امید قیله دی منطقه ده گی خلق هم کوبانی لر دیک بو اوروش ده یوتوق لر قازانیب سرفراز بولیب چیقسین لر. قماقده بولگن خلقلرنینگ کوره شیش تاریخیده، بو ایرکین سیور خلق نینگ مقاومتی درشت خط بیلن یازیله دی. برچه دنیا کوره شچین لری اویستا خابورلر، سکینه جانسیز لر، لیلا قاسم لر، جیلان اوزلاب لر، آرین میرکان لر و... نی هیچ قچان ایس لریدن چیقارتمه یدیلر.
کورد کوره شچین لری، دنیا کوچلری نینگ تضاد لریدن اوز منفعت لری گه قره تیب فایده آلیش لری، اولر نینگ حق لریدیر، اینیقسه اوروش توزاتوچی امریکا دولتی نینگ آلده یدیگن اورتاغلیک مناسبت فریبینی ییمه مسلیک لری کیره ک، چون بو اینگ کوچلی دولتی نینگ تاریخی جنایت و ایرکین لیک سیور جنبش لر گه قرشی لیگدن توله دیر. امریکا اگر یوزه کی ومنطقه لیک منافع سی اوچون کوردلردن حمایه بیلدیردی، اما بیر کونی اونلرنی آرقه دن خنجر اوره دی، چنانچه حاضر ترکیه نینگ یاواییلرچه هجومی برابریده یخلیت « تشویش بیلدیره دی» وبس. افغانستان خلقی اوز اولکه سیده، آق سرای نینگ حیله گرلیکچه ملاخله لری و جنایت ارداغله مه سیدن قانلی وآچیغ تجربه لری بار که نتیجه ده اولکه میزده گی دوام ایتاتیگن قیرق ییلیک فاجعه سی گه سبب بولگن.
یخلیت کوره شچین کورد خلقی گه سویانیب که اراده واستوار تعهد لری بیلن ترکیه نینگ آلغه تمان یوکسلگن تکنولوژی بیلن جهازلنگن اوردوسی گه قرشی تورگن لر، بو تبه کار اوردو نینگ آغزیگه قتیغ یومروق بیلن اوریب بوله دی. بیرلشیب تورکلگن خلق که اورته سیده آویستا خابور دیک ارسلان عیال لرگه ایگه بولسه که خودکش پارتلش بیلن ترکیه نینگ تانکی نی یوق ایتدی، هیچ قچان یاو یینگالمه یدی. شونداق که دنیانینگ اویغاغ وجدان لری کوبانی تاریخی مقاومتی نینگ یانیده توخته دیلر، بوگون هم عفرین نی یلغوز قویمه یدیلر، چون ایلغار و حقنی قولگه کیلتریش اوچون یولگه تشلنگن کوره ش، دنیا نینگ آلغه تمان یوکسه لماغ نی سیور گروه لر نینگ حمایتی اولر بیلن بار.
بیز عفرین ده گی مقاومت چی لر نی آلقیش لب اولر نینگ یانیده توره میز!
افغانستان همبستگی حزبی
۱۰ دلو ۱۳۹۶-ییل ( ۳۰ جنوری ۲۰۱۸-ییل)
