سیلی غفار، اروپالیک اولکه لرنینگ ایلغار حزب لری بیلن اوچره شووی
- رده: اۉزبېکچه بۉلیمی
- منتشر شده در پنج شنبه، 12 دلو 1396
سیلی غفارنینگ آلمان سول حزبی ایککی پارلمان اعضاسی بیلن اوچره شووی
سیلی غفار دسامبر۲۰۱۷-ده اروپا سفریده نیچه ایلغار حزبی وسازمان لری جمله دن اسپانیا، ایتالیا، هالند و آلمان اولکه لرنینگ نماینده لری بیلن اوچره شدی.
بو حزب لر بیلن خانم غفار نینگ اوچره شووی آماجی دنیا بوییچه ایلغار ودموکرات حزب لری بیلن خلق ارا بیردملیک اورنتماقی بولیشگن. بو ریجه لرده اوشبو حزب لر افغانستان ده گی ایلغار ومترقی تشکل لری وجمغرمه لریدن حمایت قیلیب ویاردم بیرماغی باره سیده سوزلش دیلر. اوشبو حزب لرنینگ برچه سی، ایلغار حزب لر وسازمان لردن حمایه قیلیشینی آماج لرینینگ جزیی دیب و « افغانستان همبستگی حزبی» و افغانستان ده گی برچه عدالتچی آقییم لریدن قوورب لری ییتگونچه حمایه قیلیش گه تاکید قیلدیلر.
سیلی غفارنینگ ایتالیا سول حزبی بیلن اوچره شووی
خانم غفار، اونلردن باسقینچ دولت لرنینگ اورغوله ماغینی ایسته دی، تا افغانستان ودنیاده اوروش توزاتوچیلیک سیاست لری ونظامی حضوریگه اداغ نقطه سی قوویسینلر، دیدی. اونلرنی، افغانستان باره سیده غربلیک اولکه لرنینگ شوم سیاست لریگه قرشی کینگ قمراوده اعتراضلرنی یولگه تشله ماغیگه چارله دی. اونلردن، غربلیک باسقینچ دولتلرنینگ قانلی قوللرینی کوپراغ افشا قیلماغی کیره کلیگی نی تاکیدله دی، افغانستان باره سیده کنفرانس لر وریجه لر یولگه تشلب ورسانه لر آرقلی افغانستان خلقی نینگ تاوشینی کوته رماغینی علاوه قیلدی. اوشبو حزب لرنینگ نماینده لری اولکه لرینینگ پارلمان لری آرقلی لازم سیقوو لرنی کیلترر ماغیگه وعده بیردیلر.
هالند آمستردام شهری نینگ شاروال اورین باسری آرین فلیخنتهارت وهالند سول حزبی نینگ منشی سی هانس فان بیلن اوچره شووی
خانم غفار افغانستان بیردملیک حزبی نینگ ایچکی جنایتچی لرگه قرشی فعال کوره شیش لریدن و بو مرتجع و بنیادگرچی حزب لرگه قرشی یوکسلیب باره تیگن خلق تنفرلریدن سوزلش دی. سونگگی تورت اون ییلیگیده غربلیک اولکه لر آرقلی بونداق جنایتچی حزب لر حمایه بوله دی دیب، ایسله دی. غرب-ده یشه یدیگن جنایتچی لر نینگ تابعیت لرینی سلب ایتماغیگه اینتیلیب و محکمه لرگه تانیتیلسین دیب تاکیدله دی، ویا اولکه لرنینگ قاره لیستی گه جایلشتیریلسین و ضمنا هرقنداق فعالیت که جنایتچی لرنینگ مالی وسیاسی کوچلنماغیگه یاردم بیرسه، اونی باغلاماق و دمینی آلماق اوچون اقداملر یولگه تشلنسین.
هالند سول حزب منشی سی فان هایننگین بیلن سیلی غفار نینگ اوچره شووی
بیردملیک حزب نماینده سی بیلن اروپا حزب لرنینگ اراسیده بولیب اوتگن بحث واوچره شوو لریده اینگ عمده مسله لردن بیری، افغان مهاجر لریدن حمایه قیلیش، غربلیک اولکه لرنینگ مهاجر لرگه قرشی تبعیض چه سیاست یوریتماغینی قاره له ماغ ایدی. ایسلش لازم که بو حزب لر هر دایم مهاجر لردن حمایه وی حرکت لرنی یولگه تشله گن لر و گینه بیر قتله وعده بیردیلر که هردایم حمایه لرینی دوام بیریب وافغانستان گه زوروانچیلیک بیلن قیته رماغیگه توسیق بوله دیلر.
