افغان عیال ایرکینلیگی اوچون بیرینچی آدیم، باسقینچ وبنیادگرچیلیککه قرشی کوره ش دیر!
- رده: اۉزبېکچه بۉلیمی
- نویسنده: افغانستان همبستگی حزبی
- منتشر شده در چهارشنبه، 18 حوت 1395
بو ییل شونداق وضعیتده خلق ارا عیاللر کونی نینگ قرشیله ماغیگه باره میز که، فرخنده ورخشانه نینگ قورومه گن قان لرینینگ اوستیگه، مملکت بویلب مینگلرچه عیاللر خشونت وظلم اوتیگه کویدیلر. افغان عیالی نینگ آتی دن و اونینگ بختسیزلیک لریدن، اون بیش ییلدن بو یان، رذیللرچه ناتوغری فایده له نیب شعارده « افغان عیالی نینگ قوتقریشی» دیب سوز یوریتیله دی اما بوگون عمل ده عیاللریمیز نینگ وضعیتی هر پیتدن کوره چیدانیلمس وفاجعه لی بولیب ستم آستیده یشه یدیگن عیاللر وقیزلر نینگ جان کویدوروچی تاووش لری اولکه نینگ هر تمانیدن یوکسلگن دیر. اولکه میزده حاکم بولگن دهشتی مریم لر، سحر لر، مروه لر، سحر گل لر، بی بی گل لر و اوزگه لرگه قرشی یکه شرفسیزلیک وجنایت لرده خلاصه بولمه ی، وطن داشلریمیز پکتیا وهلمند وکنر وشاه شهید وبوتون افغانستان بویلب ناتو وامریکالیک باسقینچ کوچلری تمانیدن کور هجوم لر آستیده آلینه دیلر؛ طالب وداعش نینگ خودکش پارتلش وپارتلش لری یوزلرچه معصوم وطن داشلریمیز نینگ جان لری نی آله دی؛ جنگچی لر اربکی و « اولوس ایاغلنماغی» آتی آستیده رسمی یوزگه قوراله نیب وحشتلی پاتک سالارلیک دورینی ینگیله تیبدیلر، ارگ نینگ طالب وداعش بیلن سیچقان وپیشک اویونیده مینگلرچه قیشلاقلرده یشه یاتکنلر در بدر لر؛ اوروش جنایتچی لری وفسادچی لر ناز ونعمت بیلن قدرت چوکی لری نینگ اوستیده اوتیره دیلر؛ مذهبی ودینی اقلیت لراولدیریله دی؛ اوزگه اویلش و وایلگری ایمتلای دیگیچ کوچلری اوچون کون ساین ایش ساحه سی تارراق و بوغونتولی بوله دی؛ سانسور وخود سانسورلیک ایلگریدن آرتیق حاکم بوله دی؛ فقر وبیکارلیک وقحطچیلیک بیداد قیله دی؛ امید سیز ییگیت لر نینگ قاچیشی بو قیغوو اوی بولگن ممکلتیمیز دن دوامی بار؛ خیالی مکتب وکلینیک وسرباز وطن نی قمره ب آلگن، غارت وتالانچیلیک یولیدن، تیزیم نینگ مافیالیک مقاملری سیمیریب بارماقده؛ شونداق باشقه اونلرچه سویک کویدروچن یمانلیک لر و آچیغ لر. بوتون بو مورد لرده عیاللر اینگ بیرینچی و اینگ قوله ی قربان بولگن لردن بولیب اینگ جان کویدوروچی جسمی وروحی باسقی لر نی تحمل قیله دیلر.
عیاللر گه قرشی مرتجع دولت لر وکوچلری 8 مارچ نی 25 نوامبر کبی، عیاللر گه قرشی زوروانچیلیک نی یوق ایتیش کونی، کوره شچن لیک و چوقور مضمونی دن بوشه تماغیگه اینتیلیب خنثی وسرکارلیک کون لر دیک تبریک ایتش وگل سونیش نمایشلی چیگره سیده قویی توشیرماقچی لر. اما بو ایککی کون، شونداق قیزیل چیچک لر که امریکا ایشچی عیاللری و دومینیکن جمهوریتی ده میرابال سینگیللری نینگ قانیدن باش کوترگن ومینگرچه ایرکینلیک سیور و قوزغالانچیلیککه اورنک بولگن روزا لوکزامبورگ، سکینه جانسوز، مینا، ناهید ساعد، وجیهه، برتا کاسرس، زویا، شیرین علم هولی، مرضیه اسکویی، کارمن اگوادو و۱۲ همکوره شچی سی «۱۳ قیزیل چیچک» گه آتاقلی، جیلان اوزلاب، تانیا، لیلا قاسم وسان سیز باشقه عیاللر نینگ قانلری بیلن عجین بولینگن. اوشبو عیاللر که قرانغوو ایرکک سالارلیک وعدالت سیز لیک سنت لرینی ایاق آستیگه قیلیب، حاکم مرتجع، مستبد، کیینچی، سرمایه دارلیک تیزیم لری قرشی سیده نه ایرکک لر نینگ یوک تاشووگیچی و مجلس چیرایسی بولیب بلکم استوارلیک وشهامت بیلن کوره شیب جان بیرگن لر. بو کون نی تجلیل قیلماق فقط او پیت ارزیگولی و موثر دیر که هر خیل ستم وجنسیتی تبعیض نی یوق ایتیشی اوچون قاطع وسازش سیز کوره ش الکو سینینگ ینگی لماغی بیلن استوار بولسه. افغانستانده ایرکینلیک ودموکراسی، عیاللر نینگ تینگ حقوقی عملگه آشیشی یخلیت بو یورت نینگ عیاللر وایرکک لری نینگ چرچه مس کوره شیشی بیلن ممکن دیر و بو کوره ش قربانلیک و جاندن کیچماقلیک تیله یدی. بو قماقدن چیقماق اوچون بوندن باشقه یول یوق.
افغانسان « عیال قوتقریشی» و « دموکراسی» آتی آستیگه امریکا اوروش توتاشتروچی دولتی ومتحد لری ارقه لی اشغال بولدی، اما شونداق که کوتیلگن ایدی اینگ پلید واینگ اوزینی ساتگن عیال ودموکراسی گه قرشی عنصر لر پاریسلیک کییم لری بیلن قیناو کورگن یره لی اولوسیمیز نینگ بویره ک لریگه تحمیل بولدی. جنایتچی وجهالتچی باندلر، کابل شهریده بولیب اوتکن اوزلرینی ییماق جریانیده ۷۰ یاشلی آنه لر و۷ یاشلی باله لرگه رحم قیلمه دیلر، شونلری که عیاللر نینگ توغماغینی تماشا قیلیب لذت آلیب کیتدیلر و اینگ وحشتلی عمل لرنی مرتکب بولدیلر، نیچه ته خاین ودلقک عیال نینگ یانیده اوتیریب تگی بوش دولت نینگ دم ودستگاه سینی بوتون لشتیردیلر. اولکه میز بوگون شونداق عنصر لر نینگ چنگیده قرار تاپگن که کوپگینه سی پاکستان وایران وقیرق چیت اولکه نینگ جاسوسلری وجیره خورلری بولیب هرچند هر جمغرمه وعمل لریده ملی کلمه سینی اوله یدیلر اما عملده ملی منفعت لر نی خارجی بادار لرینینگ منفعت لریگه قربان قیلگن لر. هر باسقینچ کوچ نینگ اوزه للیگیدن بو دیر که بیر ملت نینگ قماقگه سقله ماغی اوچون، اینگ کیین چی، اینگ ظالم، و اینگ آتی یمان بولگن گروهلر وعنصر لر گه ته یانیب اولر نی ملت نینگ سرنوشتیگه حاکم قیله دیلر. اینیقسه اونلرچه اولکه لرده امریکا نینگ قرانغی تاریخی ثابت قیلگن که شوم و بوزگونچی هدف لرینی عمل گه آشیرماغی اوچون بدنام دیکتاتورلر وآدم اولدیروچی و رحم سیز تروریست لر نی تمویل وجهازله یدی. بوگون هم، دونالد ترامپ دیگن ایرکک بو اولکه ده قدرت اریکه سیگه اوتیریبدی که عیاللر نینگ اوستیگه جنسی تجاوز قیلگه نینی فخر بیلن یاد قیله دی و بیللی ایمس تنظیمی وطالب والقاعده وداعش اژده هارلرینینگ دوامیگه باشقه قنداق بربر صفتلی گروهینی ایش اوستیگه کیلتیر ماقچی.
ع وغ نینگ اولوس الداقچی اینگ عمده سیلاو شعارلریدن بیری « عیاللر حقوقی» ایدی. اشرف غنی بیر پیتده بوغیزینی شیشیریب عیاللر ییغینیده بقیر گیچیدی « دولت که عیاللر نینگ خوقسیزلیگینی تامین ایتالمه سه اوزینی دولت دیماقگه حقی یوق». اوشبو عادی اهالی نینگ توشونچه لرینی آلده ماغی اوچون، خودی ظاهرگه جنسی تجاوز قضیه لریدن بیری محاکمه ایتیش جریانینی ارقه سیدن توشیب توغیریچه قربان بولگن نینگ یقینلری بیلن تماس آلدی، بی بی گل نی سوگلی سی توزاتیب اونینگ اوچون میلیون دالرلیک بودیجه نی شی قیلدی، اما بیللی ایمس بو پاره ارگ گه بلی دیگیچ قیسی عیال نینگ کیسه سیگه توکیله دی. اما شهید فرخنده گه قرشی تورتکی بیروچی جنایتیدن، که بوتون ملت نی حیرت گه چومدیردی، ساعت لرچه اوتکن یوق ایدی که ایکله سی ع وغ جیملیک بیلن اونینگ یانیدن اوتیب پایوازلیک اوچون امریکا گه تومن حرکت قیلدیلر و اورده افغانسان نی ییر اوستی بهشتی توصیف قیلماقگه اینتیلدیلر. وطنیمیز تاریخ بویچه بولگن بیر عیال گه قرشی بو اینگ وحشتلی حادثه دن چمه سی ایککی ییل اوته دی و بوگونگچه اونگه ییتیشگنلیک صورت آلینمه گن و اصلی قاتل لری حالیگچه ایرکین یشه ماقده لر. غنی نینگ جمهورلیک ریاستی نینگ ایککی ییل بوییچه، عیاللر گه قرشی یوزلرچه دهشتلی حادثه ثبت بولیب، کرزی نینگ مافیالیک دوریدن یمانراق وطنیمیز نینگ یاریم نفوسی قوپاللیک آغیزده توشکنلر. غنی که « عیاللر اوچون خوفسیزلیک» دن گپرار ایدی، عمل ده عیال وانسانلیک نینگ اینگ جانی یاولریدن بیریسی اوچون راکتیار آتلی گه خوفسیزلیک نی شی ایتدی وبس. شونداق حالده که تنظیمی رحم سیزلیک لریگه قربان بولگن مینگلرچه عیال نینگ روانی وجسمی یاره لری هنوز تازه دیر، کسل وخاین امیرچه دن پذیرایلیک بوله دی که اینگ ننگلی سیاسی حیاتی نی عیاللر یوزیگه تیزاب سیپماغ بیلن باشله دی و بوگونگچه تاریخ میز نینگ ننگلی لکه لریدن حسابلنه دی.
« افغانسان همبستگی حزبی» بو ایشانچده دیر که عیاللر یخلیت بیردملیک و جسورلرچه کوره شیشی بیلن بو قفس نی سیندیراله دیلر. هیچ خارجی کوچلر و اولرنینگ دست نشانده لری بیز نی قوتقه زالمه یدی. کوره شچن کورد عیاللری کبی باسقینچ، وبنیادگرچیلیک وارتجاع قرشی سیگه تورماق کیره ک. افغانستانده دموکراسی، ایرکینلیک و عیاللر نینگ تینگ حقوقی عملگه آشیشی، یخلیت عیاللر وایرکک لر نینگ چرچه مس کوره شیشی بیلن ممکن دیر وبس و بو کوره ش قربانلیک وجاندن کیچماقنی تیله یدی. بو قماندن چیقماق اوچون بوندن باشقه یول یوق.
افغانستان همبستگی حزبی
۱۳۹۶ ییلی حوت آیی نینگ ۱۸ نچی سی – ۲۰۱۷ ییلی مارچ آیی نینگ ۸ نچی سی
